Xafiiska Arrimaha Haweenka & Carruurta DDS oo ku jira ol'olaha 16 cisho ee kahortagga tacaddiga loo gaysto dumarka ayaa booqday haweenka ku xidhan xabsiga Alaamudiin ee magaalada Jigjiga. Dumarkan maxaabiista ayaa la guddoonsiiyay hadyado loogu talo'galay & qado-sharafeed uu Xafiiska Arrimaha Haweenka & Caruurtu ugu talo'galay, halka maamulka xafiiskuna la qaatay dumarka maxabiista kulan ballaadhan oo lagu xaalwaraysanayo xaaladdooda sida oo kalena halgoob wax lagu wada cunay. Dumarkan maxaabiista ayaa sheegay in si fiican loola dhaqmo wax dhibaato ahna ayna kala kulmin xabsiga wakhtigoodana ku bixiyaan waxbarashada qaybaheeda kala duwan & farsamada gacanta oo lagu baro xabsiga. Maantana ay aad ufaraxsan yihiin maaddaama oo Xafiiska Arrimaha Haweenka & Carruurtu soo booqday xaalkooda ay ku sugan yihiinna wax ka ogaaday.